పోలీసు సిబ్బంది సంక్షేమానికి ప్రాధాన్యత

(బిఎన్ న్యూస్‌), మార్చి 03: పోలీసు సిబ్బంది సమస్యల పరిష్కారం కొరకు శుక్ర‌వారం నంద్యాల జిల్లా ఎస్పీ కె.రఘువీర్ రెడ్డి జిల్లా పోలీసు కార్యాలయంలో పోలీసు గ్రీవియన్స్ డే నిర్వహించారు. జిల్లాలో వివిధ పోలీసు స్టేషన్‌ల‌ ఆయా విభాగాలలో విధులు నిర్వర్తిస్తున్న పోలీసు సిబ్బంది వారి మ్యూచువల్ ట్రాన్స్‌ఫార్, మెడికల్ గ్రౌండ్స్, రిక్వెస్ట్ బదిలీల గురించి జిల్లా ఎస్పీకి స్వయంగా విన్నవించుకున్నారు. జిల్లా ఎస్పీ సిబ్బంది సమస్యలను విని, వారి సమస్యలకు తగిన పరిష్కారం చూపుతామని సిబ్బందికి భరోసా కల్పించారు. సిబ్బంది యొక్క ఫిర్యాదుల సమస్యలను పరిష్కరించాలని సంబంధిత జిల్లా పోలీసు కార్యాలయ అధికారులను ఆదేశించారు. ఈ కార్యక్రమంలో అడ్మినిస్ట్రేషన్ అధికారి నిజాముద్దీన్, డిపిఓ సూపరింటెండెంట్ ఖాదర్ బాషా పాల్గొన్నారు.